Por primeira vez, Paulo Nogueira Santiago, preséntanos a tradución completa de toda a estadía e andanzas do duque de Lancaster e dos que o acompañaban, non só en Galicia, senón dende que desembarcan na Coruña ata que regresan a Inglaterra dende o Porto.

Unha achega, sen dúbida, de extraordinaria importancia para a nosa historiografía, agardada con degoiro dende hai máis de 150 anos por curiosos, eruditos e historiadores, dende o mesmo intre que Fernando Fulgosio deu a coñecer como primicia, na Crónica de la provincia de Orense, os sucesos ocorridos en Ribadavia en 1386.

____

Editorial: Toxosoutos
Idioma: Galego