A súa pintura, que se perde en grises, en esfumados verdes e en brancos, valeulle o sobrenome de perito en brumas (parafraseando o título do primeiro poemario de Miguel Hernández, Perito en lunas).

Nacido en Lugo, Grandío viviu toda a súa traxectoria plástica en Madrid. O escritor e crítico de arte Ramón Faraldo comentaba sobre a obra deste artista autodidacta: «dalgunha forma, Grandío é odiosamente seu. Dalgunha forma, irresistiblemente noso». E tamén: «o alucinatorio e o vivido fan un só pan nestas pinturas». A isto asentía o propio artista, pois para el a arte non debía carecer de maxia nin misterio para ter razón de ser.

____

Editorial: AFUNDACIÓN
Idioma: Gallego