Heidersskrift til Helge Sandøy på 60-årsdagen 14.06.2007

Å sjå samfunnet gjennom språket er eit heidersskrift til Helge Sandøy på 60-årsdagen 14.06.2007. Her hyller 27 kollegaer Sandøy med kvar sin artikkel. Samla representerer desse artiklane mest heile det store fagfeltet som Sandøy har arbeidd innom heilt frå studietida - som forskar, fagpolitikar, rådgjevar og rettleiar.

I boka vert emne som leksikografi, språkhaldningar, språkverdiar, semantikk, rettskriving, fonetikk, fonologi, morfologi, språknormer, onomastikk, sosiolingvistikk, språkendring, språkleg regionalisering, skriftkultur og dialektologi omhandla av fagpersonar innom kvart av desse emna. Boka gjev såleis eit representativt bilete av forskingssituasjonen i Noreg i dag innom desse disiplinane.

Å sjå samfunnet gjennom språket er ei bok for alle som er interesserte i nordisk språkvitskap. Her finst ny kunnskap innom dei fleste emna. Mange av tekstane kan lesast med utbyte av andre enn forskarkollegaer, og boka høver difor som tekstsamling for undervisning og forsking ved høgskular og universitet og som grunnlag for praktisk språkarbeid i offentlege og private organ og institusjonar.

ISBN 978-82-7099-456-4, 260 sider, heftet
Format: 17x24 cm, vekt: 0,5 kg, publiseringsår: 2007